Search This Blog

Monday 9 May 2011

MERE HI LAHOO PAR GUZAR


Mere hii lahuu par guzar auqaat karo ho
Mujh se hii amiiroN ki tarah baat karo ho

Din ek sitam,  ek sitam raat karo ho
Vo dost ho dushman ko biii jo maat karo ho

Ham khaak_nashiN tum suKhan aara ho sar-E-baam
Paas aake milo duur se kyaa baat karo ho

Ham ko jo milaa hai vo tumhiiN se to milaa hai
Ham aur bhulaa deN tumheN kyaa baat karo ho

YuuN to hameN muNh pher ke dekho bhi nahiN ho
Jab vaqt paRe hai to madaaraat karo ho

Daaman pe koii chiiNt na Khanjar pe koi daaGh
Tum qatl karo ho ke karaamaat karo ho

Bakne bhi do *“TANHA”* ko jo bole hai bake hai
Diivaanaa hai diivaane se kyaa baat karo ho.

TaNhA...........