Search This Blog

Wednesday, 27 April 2011

UN KE EK JAN-NISAR HUM BHI HAIN


Un k ek jan-nisar ham bhi hain
hain jahan sau-hazar ham bhi hain
Tum bhi bechain ham bhi hain bechain
Tum bhi ho beqarar ham bhi hain
Aye falak kah to kya irada hai
Aish k khvastagar ham bhi hain
Shahar khali kiye dukan kaisi
Ek hi vada-khvar ham bhi hain
Sharm samajhe tere tagaful ko
Wah! kya hoshiyar ham bhi hain
Tum agar apni khu k ho mashuq
apne matlab k yar ham bhi hain
Jis ne chaha phansa liya hamko
Dil-baron k shikar ham bhi hain
Kaun sa dil hai jis main dag nahin
Ishq ki yadgar ham bhi hain.
@loNe.......

No comments: