Search This Blog

Friday 29 April 2011

ANDHERA REH GAYA HAI

Falak par Ek Sitara reh gaya hai,
Mera Sathi Akela Reh gaya hai,

Yeh keh kar Phir Palat Aayen Hawayen,
Shajar par Ek Patta Reh gaya hai,

Har Ek Rut Main Tera gham hai Salamat,
Yeh Mausam Ek Jaysa Reh gaya hai,

Hamare Baad kya Guzri Azeezon,
Sunao Shehar kaysa Reh gaya hai,

Baras kuch Aur Aye Aawara Baadal,
Ke Dil ka Shehar Pyasa Reh gaya hai,

Khuda Wand Sanbhal Apni Amanat,
Bashar Duniya Main Tanha Reh gaya hai,

Hawadis kis lyen Dhondhen gy Mujh ko,
Mere Daman Main Ab kya Reh gaya hai,

Sitare Baant'ta Phirta hun "TANHA"
Magar Ghar Main Andhera Reh gaya hai.

@loNe..............